Un mannequin challenge para o 180 aniversario de Rosalía.

"...trata d'as cousas d'a terra, e vay escrita n'a nosa lengoa. Recíbana, non pó-lo que val, sinon pó-lo que significa.",

Dedicatoria de Follas Novas, 1880

INTRODUCIÓN

Un dos criterios de avaliación da materia de Lingua galega e Literatura é crear ou recrear textos sinxelos de intención literaria partindo das características dos traballados na aula co fin de desenvolver o gusto pola escrita e a capacidade de expresión dos sentimentos e xuízos.
Como estándares de aprendizaxe o alumnado determina o tema, delimita a estrutura e identifica a progresión temática en producións propias e alleas. Elabora textos nos que ten en conta os parámetros anteriores.Ao mesmo tempo, interpreta o sentido de textos orais e escritos, identifica a intención comunicativa e a recoñece a postura de cada emisor.

CONTIDOS

Presentación da autora feita por alumnas de 3º ESO

Infografía

https://magic.piktochart.com/output/20202636-rosalia-de-c-temas

MAPAS VISUAIS

Comezamos facendo mapas visuais sobre a temática dos poetas do Rexurdimento: Rosalía de Castro, Curros Enríquez e Eduardo Pondal, Estes mapas fanse en equipos de dous alumnos ou ben como traballo individual e unha vez rematados teñen que expoñelos á clase.

MANNEQUIN CHALLENGE

Para completar este traballo e como xeito de profundar na lectura comprensiva da obra poética de Rosalía ao tempo que exercitan a creatividade, propúxoselle ao alumnado que fixesen un "reto do maniquí" sobre algún poema da autora. Seguimos unha invitación da AELG e doutras institucións galegas para celebrar o Día de Rosalía.

🎥 Un Mannequin Challenge coñecido en galego como reto do manequín ou na forma híbrida: manequín challenge é un fenómeno que procede de Internet e das redes sociais; os protagonistas están totalmente inmóbiles mentres unha cámara en movemento os filma, xeralmente con «Black Beatles» de Rae Sremmurd como canción de fondo.

🎥 Na súa orixe estivo un grupo de adolescentes americanos dun instituto de Florida que en outubro do 2016 publicaron o seu vídeo en Twitter co cancelo (hashtag é un anglicismocancelo # (hashtag é un anglicismo que non está aceptado pola R.A.G.) #mannequin challege ; este chegou a ser moi popular xa que se sumaron a el músicos, celebridades do cine, do deporte e da política.