 |
| Antón Riveiro asinando exemplares da súa novela. |
📗 En 4º da ESO e 1º de Bac. leron a novela de Riveiro Coello A ferida do vento , moi acaecida para o mes das Letras Galegas este ano adicado a Carlos Casares porque xa o título é un tributo ao autor homenaxeado (Lembremos o títlo de Vento ferido alén de ser o propio Casares un personaxe máis da novela).
📙 Antón Riveiro Coello naceu en 1964, en Xinzo de Limia. Na súa autobiografía dinos:
"Cursei estudos de Dereito en Santiago, que abandonei no quinto ano, toquei a guitarra nun grupo de rock, vendín ordenadores, fun funcionario do Estado, da Xunta e, por fin, xa cuns cantos aniños para me meter nestas festas, rematei dedicándome á escrita na que teño sido galardoado nuns cantos certames dos que salientaría o Álvaro Cunqueiro, o García Barros, Café Dublín, Torrente Ballester (finalista), Modesto R. Figueiredo do Pedrón de Ouro, Manuel Murguía, entre outros".
📕 Coa súa amena conversa puidemos saber numerosas anécdotas da súa vida e da súa obra e en concreto desta novela A ferida do vento, que ten moito de autobiográfica e que se pode dicir que é unha continuación da anterior Casas baratas.
📘 Vídeo
 |
| Un selfie con A ferida do vento |
Comentarios
Publicar un comentario