Imaxe: ONGAWA Ingeniería para el Desarrollo Humano (ONG) |
💧 O Día Mundial do Retrete pode soar para algúns como unha broma, pero en realidade non é así. Cerca de 4.500 millóns de persoas aínda carecen de aseos seguros ou servizos de saneamento que eliminen os excrementos e os traten con seguridade.
💧 Os bebés e os nenos son os máis afectados e máis de 360.000 nenos menores de cinco anos morren cada ano debido á diarrea, unha enfermidade común e prevenible causada pola auga e o saneamento inseguros. Neste momento, hai un brote de cólera e diarrea acuosa aguda en Yemen e no Corno de África, con máis de 750,000 persoas afectadas ata a data. Así de importante é a sanidade segura para todos.
Imaxe Worldtoiletday
💧 Se a situación para os nenos é difícil, non o é menos para as mulleres e adolescentes que carecen de váter onde podan facer as necesidades cun mínimo de intimidade.
⛔ É por iso que debemos concienciarnos do problema de carencia de latrinas para tantas persoas e de como as usamos nós no noso instituto. Moitas veces non se poden usar porque están ateigadas de papeis e outros materiais.Alén diso, sabemos que a auga é un ben escaso, o cambio climático é unha realidade e debemos actuar en consecuencia.
Cartel da campaña ONGAWA 2017 |
👉 RECURSOS PARA SABER MÁIS
👉 PROPOSTA EDUCATIVA. O Día dos Dereitos Humanos celébrase cada 10 de decembro, coincidindo coa data en que a Asemblea Xeral da ONU adoptou a Declaración Universal de Dereitos Humanos, en 1948.
A Declaración, cuxo borrador redactaron representantes de distintos contextos xurídicos e culturais de todo o mundo, expón valores universais e un ideal común para todos os pobos e nacións. Ademais, establece que todas as persoas teñen a mesma dignidade e o mesmo valor.Grazas a este documento, que coas súas versións en 500 idiomas converteuse no máis traducido do mundo, e o compromiso dos Estados cos seus principios, a dignidade de millóns de persoas viuse fortalecida, e sentáronse as bases dun mundo máis xusto. Aínda que quede camiño por percorrer para que as promesas que encerra se cumpran plenamente, o feito de que a Declaración perdurara no tempo é proba inequívoca da universalidad imperecedeira dos valores eternos sobre a equidade, a xustiza e a dignidade humana.
👉 O Artigo 25
1.Toda persoa ten dereito a un nivel de vida axeitado que lle asegure, así como á súa familia, a saúde e o benestar, e en especial a alimentación, o vestido, a vivenda, a asistencia médica e os servizos sociais precisos; ten tamén dereito aos seguros en caso de desemprego, enfermidade, invalidez, viuvez e vellez e outros casos de perda dos seus medios de subsistencia por circunstancias independentes da súa vontade.
2. A maternidade e a infancia teñen dereito a coidados e a asistencia especiais. Todos os nenos e nenas, nacidos de matrimonio ou fóra do matrimonio, teñen dereito á mesma protección social.
👉 Un cartel. Por que non facemos un cartel para o 10 de decembro que recolla a necesidade do saneamento eficiente para todos? Este é un dos Obxectivos de Desenvolvemento Sostible (ODS) das Nacións Unidas. Para o ano 2030, a caca de todos debería ser contida, transportada, tratada e eliminada de xeito seguro e sostible.
👉 Características. O cartel pódese facer en cartolina ou en formato dixital. Chegaría cunha cartolina DIN A 4. Nalgún lugar do cartel debe figurar "10 de decembro, Declaración Universal dos Dereitos Humanos" e unha referencia ao artigo 25 e á nosa reivindicaciónn, o #World Toilet Day.
Unha boa ferramenta para facelos en formato dixital é Canva.
👉Premios. Os tres mellores traballos levarán de premio bonos para gastar na cafetaría de Victor (a mellor cafetaría do instituto!)
👉 Entrega. Os traballos entregaránselle a calquera dos compoñentes do EDLG ate o 5 de decembro do 2017.
Comentarios
Publicar un comentario