📷Que é Imagechef? É unha divertida ferramenta 2.0 para deseñar e personalizar fotos, nomes, letreiros, nubes de palabras, retratos, etc. Resulta moi útil para crear fotos de perfil de usuario e tamén para ilustrar entradas nos nosos blogs e webs. O seu uso é moi sinxelo e non necesita rexistro previo. Imagechef ofrece gran cantidade de deseños, estáticos e interactivos, ordenados temáticamente. É unha ferramenta moi rechamante para os alumnos.
📷Como funciona? Non é necesario rexistrarse para usar Imagechef. Comezamos facendo clic en "crear" e entramos na páxina "todos os modelos" xa que aí atopamos todas as posibilidades de imagechef. Na barra lateral esquerda están os tipos de deseños e no centro da páxina os temas. Facemos clic no que nos interesa e abrirase unha páxina co modelo, o cadro de texto para escribir a mensaxe e as diferentes opcións segundo o tipo de deseño.
Unha vez rematado podemos compartir os nosos deseños en redes sociais, envialos por email, gardalos no ordenador ou incrustalos a través do código necesario.
💻 Utilidades didácticas: Iniciar aos alumnos nas ferramentas 2.0 creando avatares nos cales expresan os seus gustos e personalidade. Oportunidade para ensinar aos alumnos a descargar as fotos, gardalas no ordenador ou memoria USB e envialas por email.
Utilizar estas fotos personalizadas como fotos de perfil en blogs, plataformas educativas ou redes sociais utilizadas en clase.
Crear letreiros para ambientar e ilustrar traballos de clase.
💻 Videotitorial.
Comentarios
Publicar un comentario